خیبر پختونخوا میں وزراء کے انٹر ویوز لینے کا فیصلہ

خیبر پختون خوا حکومت نے وزرا کے انٹرویوز لینے کا فیصلہ کر لیا۔صوبائی حکومت کا کہنا ہے کہ محکمہ اطلاعات کے سوشل میڈیا پلیٹ فارم پر وزرا کے انٹرویو لیے جائیں گے جن میں وزرا سے ان کی کارکردگی کے بارے پوچھا جائے گا۔صوبائی حکومت کے مطابق انٹرویوز سے متعلق مہم کو آسک منسٹر کا نام دیا گیا ہے۔خیبر پختون خوا حکومت کا کہنا ہے کہ اس موقع پر شہری براہِ راست اپنی شکایت وزرا تک پہنچا سکیں گے اور وزرا شہریوں کی شکایات کا ازالہ کریں گے۔یاد رہے کہ رواں ماہ خیبر پختون خوا حکومت میں مبینہ کرپشن، بد عنوانی اور گورننس سے متعلق شکایات کی چھان بین کے لیے بانی تحریکِ انصاف نے 3 رکنی کمیٹی قائم کی تھی جو صوبائی وزرا اور محکموں کے انتظامی سیکریٹریوں کے حوالے سے انکوائری کرے گی۔