سعودی عرب اور شام کا 11 برس بعد سفارتی تعلقات کی بحالی پر اتفاق

ریاض / ماسکو: سعودی عرب اور شام نے 11 برس بعد سفارتی تعلقات بحال کرتے ہوئے اپنے سفارت خانے دوبارہ کھولنے پر اتفاق کیا ہے۔شام کی خانہ جنگی کے آغاز کے ایک سال بعد دونوں ممالک نے 2012 میں تعلقات منقطع کیے تھے۔ایک سرکاری ذرائع نے غیر ملکی خبر رساں ایجنسی کو بتایا کہ دونوں حکومتیں “عید الفطر کے بعد سفارت خانے دوبارہ کھولنے کی تیاری کر رہی ہیں۔یہ اقدام سعودی عرب اور خطے میں شام کے قریبی اتحادی ایران کے درمیان تعلقات کی بحالی کے تناظر میں سامنے آیا ہے۔یہ اقدام کئی سالوں کی تنہائی کے بعد شام کو دوبارہ علاقائی دائرے میں دوبارہ ضم کرنے کے عمل میں ایک اہم پیش رفت ہے۔گذشتہ ہفتے شام کے صدر بشار الاسد نے متحدہ عرب امارات کا دورہ کیا تھا جو 2018 میں تعلقات کی بحالی کے بعد ان کا دوسرا دورہ ہے۔ یہ دورہ گزشتہ ماہ عمان کے دورے کے بعد کیا گیا ہے۔