شہباز شریف کے کاغذات نامزدگی کی منظوری اور حماد اظہر کے مسترد ہونے کے خلاف نوٹس جاری

قومی اسمبلی کے حلقہ این اے 132 سے شہباز شریف کے کاغذات نامزدگی کی منظوری کے خلاف اپیل پر سماعت ہوئی۔اپیلٹ ٹربیونل نے ریٹرننگ افسر کو نوٹس جاری کرتے ہوئے ان سے جواب طلب کر لیا۔اس حوالے سے اپیل میں موقف اپنایا گیا کہ شہباز شریف آئین کے آرٹیکل 62 اور 63 پر پورا نہیں اترتے۔اس کے علاوہ پی ٹی آئی رہنما حماد اظہر کے کاغذات نامزدگی مسترد ہونے کے خلاف دائر اپیل پر بھی سماعت ہوئی۔الیکشن ٹربیونل نے آر او کو نوٹس جاری کرتے ہوئے ان سے جواب طلب کر لیا۔اپیل میں موقف اختیار کیا گیا ہے کہ ریٹرننگ افسر نے قانون کے برعکس کاغذات نامزدگی مسترد کیے۔