شہدا قوم کا سرمایہ، قربانیاں رائیگاں نہیں جائینگی: وزیر داخلہ

اسلام آباد:وفاقی وزیر داخلہ محسن نقوی نے کہا ہے کہ شہدا قوم کا سرمایہ افتخار ہیں، شہدا کی قربانیاں رائیگاں نہیں جائینگی۔وفاقی وزیرداخلہ محسن نقوی نے پشاور اور کرک میں مختلف مقامات پر خوارجی دہشتگردوں کے حملوں کی شدید الفاظ میں مذمت کی اور شہید ہونے والے ایف سی اہلکار سمیت 3 پولیس جوانوں کو خراج عقیدت پیش کیا۔
محسن نقوی نے شہدا کے لواحقین سے دلی ہمدردی و تعزیت کا اظہار کیا اور زخمی پولیس اہلکاروں کی جلد صحتیابی کیلئے دعا کی۔
قوم شہدا کی عظیم قربانیوں کو قدر کی نگاہ سے دیکھتی ہے، شہدا قوم کا سرمایہ افتخار ہیں، لازوال قربانیوں رائیگاں نہیں جائیں گی، ایف سی اور پولیس کے بہادر سپوتوں کی قربانیوں کو ہمیشہ یاد رکھا جائے گا۔