عمران خان نوجوانوں کے دلوں کی دھڑکن ہیں، پرویز خٹک

سابق وزیر دفاع اور پاکستان تحریک انصاف (پی ٹی آئی) خیبر پختونخوا کے صدر پرویز خٹک نے کہا ہے کہ عمران خان نوجوانوں کے دلوں کی دھڑکن ہیں۔نوشہرہ میں جلسے سے خطاب میں پرویز خٹک نے کہا کہ ظل شاہ کا قتل جمہوریت کے نام پر آمریت کی واضح مثال ہے۔انہوں نے کہا کہ پی ڈی ایم کی ظالم حکومت سے سود سمیت ہر ایک چیز کا حساب لیا جائے گا۔پرویز خٹک نے دعویٰ کیا کہ پی ٹی آئی آئندہ الیکشن میں دو تہائی سے زائد اکثریت انتخابات جیت لے گی۔