عید الضحیٰ،مختلف ائیر پورٹس پر آگاہی بینرز آویزاں

عید الضحی کے موقع پر ملک کے مختلف ائیرپورٹس پر آگاہی بینرز آویزاں کیے گئے۔اس حوالے سے سی اے اے کے ترجمان کا کہنا ہے کہ کراچی، لاہور، اسلام آباد، ملتان، فیصل آباد، اسکردو اور دیگر ایئرپورٹس پر بھی آگاہی بینرز آویزاں کیے گئے ہیں۔ترجمان نے کہا ہے کہ ایئرپورٹس کے اطراف قربانی کے جانوروں کا کچرا اور باقیات جمع ہیں جس کی وجہ سے پرندوں کا طیاروں سے ٹکرانا کسی بڑے حادثے کا سبب بن سکتا ہے۔سی اے اے کے ترجمان نے مزید کہا ہے کہ پرندوں کا جمع ہونا ہوائی جہازوں کے لیے خطرہ ہے، سول ایوی ایشن اتھارٹی نے عیدالاضحی پر صفائی سے متعلق آگاہی ویڈیو بھی جاری کی ہے۔سرجمان سی اے اے کا یہ بھی کہنا ہے کہ آگاہی مہم کا مقصد قربانی کے جانوروں کی باقیات کو تلف کرنے کی حوصلہ افزائی کرنا ہے۔