غزہ، اسرائیلی رہائشی علاقوں پر حملے تیز، بمباری سے مزید 241 فلسطینی شہید

غزہ: اسرائیلی فوج نے غزہ کے رہائشی علاقوں پر حملے تیز کر دیے، تازہ حملوں میں مزید 241 فلسطینی شہید اور 382 زخمی ہو گئے۔ صہیونی فوج نے گزشتہ 24 گھنٹوں کے دوران خان یونس، البوریج، نصرت سمیت 100 سے زائد مقامات پر حملے کیے اور توپوں کی مدد سے وسطی غزہ پر گولہ باری کی۔ تازہ ترین حملوں میں 241 فلسطینی مارے گئے۔ وہ شہید ہو گئے۔صہیونی فوج نے فلسطینی ہلال احمر کے ہیڈ کوارٹر پر بھی حملہ کیا۔ مہاجرین ہیں۔دوسری جانب فلسطینی وزارت صحت کا کہنا ہے کہ اسرائیلی فوج نے قید فلسطینیوں کا قتل عام شروع کر دیا ہے، 80 فلسطینیوں کی لاشیں حکام کے حوالے کر دی گئیں، شہداءکی میتوں کو بغیر شناخت کے اجتماعی قبروں میں دفن کر دیا گیا۔اسرائیلی افواج کے سربراہ ہرزائی حلوی نے پریس کانفرنس کرتے ہوئے کہا ہے کہ غزہ میں جاری جنگ میں کئی ماہ لگ سکتے ہیں، ہمیں حماس کی قیادت تک پہنچنا ہے، غزہ میں حماس کے خلاف جنگ ضروری ہے لیکن آسان نہیں۔واضح رہے کہ 7 اکتوبر سے جاری اسرائیلی جارحیت میں شہداءکی تعداد 21 ہزار سے تجاوز کر گئی ہے، 54 ہزار سے زائد افراد زخمی ہیں، شہداءمیں 8 ہزار کے قریب بچے اور 6 ہزار سے زائد خواتین بھی شامل ہیں۔