فضل الرحمان کے بیٹے کے حلقے میں 6 پولنگ اسٹیشنز پر دوبارہ پولنگ ، فوج تعینات کرنیکی منظوری

وفاقی کابینہ نے مولانا فضل الرحمان کے صاحبزادے اسد محمود کے حلقہ این اے 43 کے 6 پولنگ اسٹیشنز پر دوبارہ پولنگ کے لیے فوج تعینات کرنے کی منظوری دے دی۔قومی اسمبلی کے حلقہ این اے 43 ٹانک کام ڈیرہ اسماعیل خان کے 9 پولنگ اسٹیشنز پر دوبارہ پولنگ 19 فروری کو ہوگی۔وزارت داخلہ کی سمری پر وفاقی کابینہ سے سرکولیشن کے ذریعے فوج کی تعیناتی کی منظوری لے لی گئی، آئین کے آرٹیکل 220 اور 245 کے تحت امن و امان کو یقینی بنانے کے لیے فوج کی تعیناتی کی منظوری دی گئی۔پولنگ کے موقع پر امن و امان میں ممکنہ خلل کے پیش نظر ان حساس پولنگ سٹیشنوں پر فوج تعینات کرنے کا فیصلہ کیا گیا ہے تاہم پولنگ سٹیشنز پر فوج کی تعداد اور تعیناتی کے مقام کا فیصلہ فوج کرے گی۔ الیکشن کمیشن۔یاد رہے کہ 8 فروری کو ہونے والے انتخابات میں پی ٹی آئی کے حمایت یافتہ آزاد امیدوار داور خان کنڈی نے 63 ہزار 556 اور اسد محمود نے 62 ہزار 730 ووٹ حاصل کیے تھے۔این اے 43 ٹانک میں مسلم لیگ ن اور اے این پی کے رہنما مولانا فضل الرحمان کے بیٹے اسد محمود کے حق میں الیکشن سے دستبردار ہوگئے۔