قوموں کے بنانے میں لیڈر شپ کا کردار

اگر ہم دنیا میں ترقی یافتہ اقوام کی کامیابی کا راز دیکھیں تو وہ دو عنا صر کی وجہ سے ہے ۔ ایک تعلیم اور دوسری لیڈر شپ یعنی قیادت ۔اگر ہم موجودہ دور میں جاپان، کو ریا ، امریکہ ، بر طانیہ ، چین اور دوسرے کئی ممالک کی کامیابیوں اور کامرانیوں کو دیکھیں تو انکی کامیابیوں اور کا مرانیوں کا راز تعلیم اور اچھی قیادت میں ہے۔ مثلاً آسٹریا میں شرح خواندگی 99 فی صد ہے ، جسکی وجہ سے وہاں پر فی کس آمدنی 40 ہزار ڈالر اور متوقع زندگی 82 سال ہے۔ اس طرح کینیڈا کی شرخ خواندگی 99 فی صد جبکہ اچھی تعلیم اور علم کی وجہ سے کینیڈا کی فی کس آمدنی41ہزار اور متوقع زندگی 83 سال ہے ۔فرانس کی شرح خواندگی 99 فی صد جبکہ فی کس آمدنی 36 ہزار ڈالرز اور متوقع زندگی 84 سال ہے۔ جبکہ اسکے بر عکس وہ ممالک جہاں ہر شرح خواندگی اور تعلیم کم ہے وہاں پر فی کس آمدنی اور متوقع زندگی بُہت کم ہے۔ مثلاًچا ڈ کی خواندگی 35 فی صد ہے جسکی وجہ سے وہاں پر فی کس آمدنی 1500 ڈالر ہے ۔ اس طر ح ایتھو پیا کی شرح خواندگی 36فی صد،جسکے نتیجے میںوہاں پر فی کس آمدنی 800 ڈالر اور متوقع زندگی 50 سال ہے۔ ۔اگر ہم دنیا کی 10 بہترین جمہوری ممالک، جن میں نا روے، آئس لینڈ، سویڈن، نیوزی لینڈ، ڈنمارک، کنیڈا، آئر لینڈ، سوئزر لینڈ ، فن لینڈ اور آسٹریلیا کا تجزیہ کریں۔ تو یہ ممالک تعلیم میں سب سے آگے ہیں ، جسکی وجہ سے وہ دنیا میں میں ہر میدان اقتصادیات ، سائنس اور ٹیکنالوجی اور دوسرے میدانوں یعنی قائدانہ صلا حیتوں کی وجہ سے مدن دوگنی رات چگنی ترقی کر رہے ہیں ۔ بھوٹان اپنے وسائل کا 7.4 فی صد، مالدیپ اپنی قومی آمدنی کا 5.3 فی صد، بھارت 3.8 فی صد اور نیپال 3.7 فی صد جبکہ پاکستان اپنی قومی آمدنی کا صر2,7 فی صد تعلیم پر خرچ کر رہا ہے ۔ پاکستان 188 ممالک کے 17 ویں ممالک میں سے ایک ہے ۔ان میں بُہت سارے عوامل کے ساتھ ساتھ تعلیمی شعور اور قیادت کی کمی بھی ہے۔اگر ہم قُر آن مجید اور فُر قان حمید پر نظر ڈالیں تو ان میں کئی آیات علم اور تعلیم سے متعلق ہیں۔ بلکہ اگر ہم قُر آن مجید فُر قان حمید کا مطالعہ کریں تو یہ کتاب بذات خود علم ، عقل ، فہم اور شعور کا سب سے بڑا سر چشمہ ، خزانہ اور منبع ہے۔علم نور ہے اور نو ر کے بغیر حق اور سچ میں فرق اور تمیز کرنا مشکل ہے۔ جہاں تک قیادت اور قائدانہ صلاحیتوں کا تعلق ہے تو یہ کسی ملک کی ترقی اورکامرانی میں آکسیجن کا کر دار ادا کر رہا ہے۔سید ابواعلی مودودی صاحب اور دوسرے بڑے سکالروں کے مطابق ایک اچھے مسلمان لیڈر میں 12 خصوصیات کا ہونا ضروری ہے۔ ان خصوصیات میں کسی لیڈرکا اسلامی عقائد کا ہونا ، صا دق امین کی خصو صیت، علم اور دانائی، حو صلہ اور مصمم ارادہ، باہمی مشا ورت کا جذبہ ہونا، اتحاد اور اتفاق کا ہونا، اخلاقیات اور پر ہیز گاری ،دوسروں کو دلائل کے ذریعے قائل کرنا، انصاف عدل اور خدا ترسی،صبر بر داشت اور تحمل،ارادے کاپکا ہونا اور مذہب کے لئے کسی قسم کی قُربانی سے دریغ نہ کرنا، زندگی بھر اسلامی قدروںکےلئے کو شاں ہونا، اللہ کا شکر بجالانااور اُنہی سے دعا مانگنا اور عصری علوم کا جاننا۔رسول اللہ ﷺ کا ارشاد ہے کوئی حا کم جو مسلمانوں کی حکومت کا کوئی منصب سنبھالے پھر اسکے ذمہ داریاں اداکرنے کے لئے جان نہ لڑائے اور خلوص کے ساتھ کام نہ کرے وہ مسلمانوں کے ساتھ جنت میں قطعاً داخل نہیں ہوگا۔سورة النساءمیں ارشاد ہے اللہ تعالیٰ تم کو حکم دیتا ہے کہ امانتیںاہل امانت کے سپرد کرو اور جب لوگوں کے درمیان فیصلہ کروتو عدل کے ساتھ کرو۔حضرت ابو بکر ؓ فر ماتے ہیں جو شخص حکمران ہو اس کو سب سے زیادہ بھاری حساب دینا ہوگا اور وہ سب سے زیادہ سخت غذاب کے خطرے میں مبتلا ہوگا ۔ ایک حکمران کے ذمہ داری کے بارے میںحضرت عمر ؓ ارشاد فرماتے ہیں دریائے فرات کے کنارے ایک بکری کا بچہ بھی اگر ضا ئع ہو جائے تو مُجھے ڈر لگتا ہے کہ اللہ مجھ سے باز پُرس کرے گا۔حضور ﷺ کا رشاد ہے بخدا ہم اپنی اس حکومت کا منصب کسی ایسے شخص کو نہیں دیتے جو انکا طالب ہو یا اسکا حریص ہو۔ ماہرین کہتے ہیں کہ اگر کسی ملک کی قائدانہ صلاحیتیں اچھی ہو تو وہ ملک10 سال میں900 چند ترقی کرسکتا ہے۔ حضرت علی کرم اللہ وجہ کا فرمان ہے کہ 100 بھیڑ ہو اور اسکی امامت شیر کے پاس ہو تو سب یعنی بھیڑ بھی شیر کی طرح ہونگے اور اگر100 شیر ہوں اور اسکی امامت بھیڑ کے پا س ہو تو وہ سب شیر بھیڑ کی طرح ہونگے۔یہ ہماری بد قسمتی ہے کہ وطن عزیز میں ایک نا ئب قاصد اور چپڑاسی کی تقرری کے لئے میٹرک تک تعلیم کے ساتھ ساتھ مناسب تجربہ ضروری شرط ہے مگر بد قسمتی سے قانون ساز اداروں یعنی صوبائی اور قومی اسمبلی اور بلدیاتی اُمید واروں کے لئے تعلیم کی کوئی شرط نہیں ۔