لاہور ہائیکورٹ، وفاقی حکومت کو 1947 سے لیکر آج تک توشہ خانہ کی تفصیلات فراہم کرنے کا حکم

لاہور ہائیکورٹ کے جسٹس عاصم حفیظ نے توشہ خانہ سے تحائف وصولی کی تفصیلات فراہم کرنیکی درخواست پر وفاقی حکومت کو 1947 سے لیکر آج تک توشہ خانہ کی تفصیلات فراہم کرنیکا حکم دے دیا، عدالت متعلقہ وزارتوں بارے تفصیلی رپورٹ بھی 16 جنوری کو طلب کرلی، عدالت نے ریمارکس دئے کہ تحائف مخصوص مقاصد کیلئے نہیں دیتے جاتے، جب تحفے نجی طور پر استعمال ہوتے ہیں تو رازداری کہاں رہ جاتی ہے، وفاقی حکومت کے وکیل نے درخواست کی مخالفت کرتے ہوئے موقف اپنایا کہ توشہ خانہ کی معلومات خفیہ ہیں سامنے نہیں لائی جاسکتی ہیں، اطلاعات تک رسائی قانون کے تحت یہ تفصیلات خفیہ ہیں۔