محسن نقوی پھنس گئے تو علی امین گنڈاپور کے پیروں میں بیٹھ گئے ،عمرایوب

پی ٹی آئی رہنما عمر ایوب نے کہا ہے کہ محسن نقوی اس وقت پھنس گئے جب علی امین گنڈا پور کے قدموں میں بیٹھ گئے۔پشاور میں میڈیا سے گفتگو کرتے ہوئے عمر ایوب نے کہا کہ محسن نقوی اس وقت یہاں آئے جب انہیں خیبرپختونخوا کی ضرورت تھی۔عمر ایوب نے کہا کہ وزیراعلی خیبرپختونخوا کو گرفتار کرنے کی کوشش کی گئی، علی امین گنڈا پور انہیں معاف کردیں گے، ہم محسن نقوی کو معاف نہیں کریں گے۔انہوں نے کہا کہ محسن نقوی کو ان خاندانوں سے معافی مانگنی چاہیے، ہمارے رہنما ان کے حکم پر جیل میں ہیں، محسن نقوی نے چیف سیکرٹری اور آئی جی کو براہ راست احکامات دئیے۔عمر ایوب نے یہ بھی کہا کہ اسی لیے کل آئی جی سے اختیارات چھین لیے گئے ہیں۔