مریم نواز نے پی پی 80 شاہ پور سے کاغذات نامزدگی جمع کرادیئے

مریم نواز کے کاغذات نامزدگی پی پی 80 شاہ پور سے جمع کرائے گئے ہیں۔مسلم لیگ ن کے سابق ایم پی اے صاحب بارتھ نے مریم نواز کے کاغذات نامزدگی جمع کرائے۔صہیب بارتھ نے کہا کہ مریم نواز کارکنوں کی خواہش پر پی پی 80 سے الیکشن میں حصہ لے رہی ہیں۔واضح رہے کہ مریم نواز نے لاہور کے این اے 119 اور این اے 120 کے ساتھ ساتھ پنجاب اسمبلی کے 3 حلقوں سے بھی کاغذات نامزدگی جمع کرائے ہیں۔عام انتخابات 2024 میں حصہ لینے کے لیے کاغذات نامزدگی جمع کرانے کا آج آخری دن ہے، آزاد امیدواروں سمیت ملک بھر سے سیاسی جماعتوں کے امیدوار بھی کاغذات جمع کر رہے ہیں۔