مریم نواز کی آمد پر سرگودھا یونیورسٹی میں چھٹی کا اعلان

وزیراعلی پنجاب کی آمد پر سرگودھا یونیورسٹی میں چھٹی کا اعلان کر دیا گیا۔سرگودھا یونیورسٹی میں جاری تمام شعبہ جات کے فائنل ٹرم کے پرچے ملتوی کر دیے گئے، پرچہ جات کے شیڈول کا اعلان دوبارہ کیا جائے گا۔وزیراعلی پنجاب نے آج یونیورسٹی میں منعقدہ تقریب کے دوران ہونہار طلبا میں اسکالر شپ تقسیم کرنے ہیں۔ تقریب کے لیے یونیورسٹی آف سرگودھا کے کرکٹ گرانڈ میں انتظامات کیے گئے ہیں۔مریم نواز شریف آج یونیورسٹی آف سرگودھا میں 1588 طلبہ کو چیک تقسیم کریں گی۔ یونیورسٹیز آف سرگودھا، بھکر، میانوالی اور میڈیکل کالجز کے طلبہ کو 7 کروڑ کے ہونہار اسکالرشپ ملیں گی۔واضح رہے کہ راولپنڈی اور ملتان میں 7700 طلبہ کو ہونہار اسکالر شپ کے 44 کروڑ کے چیک مل چکے ہیں۔