نسیم شاہ کی غیرحاضری میں بھی ورلڈکپ کیلیے پاکستانی پیس اٹیک مضبوط قرار

موہالی: نسیم شاہ کی غیرحاضری میں بھی ورلڈ کپ کیلیے پاکستانی پیس اٹیک کو مضبوط قرار دیا جانے لگا۔آسٹریلیا اور بھارت کے درمیان پہلے ون ڈے کے موقع پر سابق بھارتی کرکٹر امیت مشرا سے جب صحافیوں نے پوچھا کہ نسیم کے انجرڈ ہونے سے بھارت کے خلاف ورلڈ کپ میچ میں کیا پاکستان بیک فٹ پر ہوگا ؟جواب میں انھوں نے کہا کہ نسیم ایک تجربہ کار پیسر ہیں، ان کی کمی محسوس ہو گی مگر میں یہ نہیں سمجھتا کہ پاکستان کا پیس اٹیک کمزور ہو گیا، ٹیم کیلیے اس وقت اصل مسئلہ اسپنرز اور بیٹرز کا ہے، پیسرز کبھی بھی ان کا مسئلہ نہیں رہے۔