نواز شریف سے ایم کیو ایم کے وفد کی ملاقات آج ہوگی

متحدہ قومی موومنٹ (ایم کیو ایم) کا چار رکنی وفد آج مسلم لیگ ن کے قائد نواز شریف سے ملاقات کرے گا۔جاتی امرا میں ملاقات 11:30 بجے متوقع ہے، ملاقات میں حکومت سازی اور موجودہ سیاسی صورتحال پر تبادلہ خیال کیا جائے گا۔ایم کیو ایم کے وفد میں گورنر سندھ کامران ٹیسوری اور خالد مقبول صدیقی شامل ہوں گے۔اس کے علاوہ ڈاکٹر فاروق ستار اور مصطفیٰ کمال بھی وفد کا حصہ ہوں گے۔اطلاعات کے مطابق مسلم لیگ ن وفاق میں مشترکہ حکومت بنانے کے لیے متحدہ سے تعاون کی درخواست کرے گی۔واضح رہے کہ سابق صدر آصف علی زرداری اور پاکستان مسلم لیگ (ن) کے تاحیات قائد نواز شریف کے درمیان آج ملاقات ہوگی جس میں حکومت سازی کے حوالے سے بات چیت ہوگی۔مسلم لیگ ن کے صدر شہباز شریف نے حکومت سازی کے لیے گزشتہ روز پیپلز پارٹی کے رہنما آصف علی زرداری سے بھی ملاقات کی۔