نگراں وزیرِ اعلیٰ پنجاب 23 اپریل کو کوئی چیک سائن نہیں کر سکیں گے: فواد چوہدری

پاکستان تحریکِ انصاف کے رہنما فواد چوہدری کا کہنا ہے کہ پنجاب کے نگراں وزیرِ اعلیٰ کو 22 اپریل کو 90 دن پورے ہو جائیں گے، 23 اپریل کو وہ کوئی چیک سائن کر سکتے ہیں نہ ایگزیکٹیو آرڈر پاس کر سکتے ہیں۔میڈیا سے گفتگو کرتے ہوئے پاکستان تحریکِ انصاف کے رہنما فواد چوہدری نے کہا کہ ریفرنس ڈرافٹ کر رہے ہیں جو الیکشن کمیشن کو بھیج دیں گے۔ان کا کہنا ہے کہ الیکشن کمیشن سے کہیں گے کہ نگراں حکومت کے لیے سپریم کورٹ سے توسیع لیں یا نیا وزیرِ اعلیٰ و کابینہ بنائیں۔فواد چوہدری نے کہا کہ عمران خان کی مقبولیت کا عروج پارلیمنٹ سے استعفے اور اسمبلیاں توڑنے پر ہے، الیکشن 90 دنوں سے آگے نہیں جا سکتے۔انہوں نے مزید کہا ہے کہ ے نظیر بھٹو کی شہادت پر اتفاقِ رائے سے الیکشن ملتوی ہوا، معاملہ عدات میں نہیں گیا۔پی ٹی آئی رہنما نے یہ بھی کہا ہے کہ عمران خان کس لیے گرفتاری دیں، ان پر کوئی کیس ہی نہیں۔