وفاقی کابینہ نے آپریشن عزم استحکام کی منظوری دیدی

وفاقی کابینہ نے آپریشن ریزولوٹ سٹیبلیٹی کی منظوری دے دی ہے۔ شہباز شریف کی زیر صدارت وفاقی کابینہ کا اجلاس ہوا جس میں 11 نکاتی ایجنڈے پر غور کیا گیا۔ وفاقی کابینہ نے قومی اقتصادی کونسل کی مالی سال 2022-23 کی سالانہ رپورٹ پر غور کیا، وفاقی کابینہ نے ای سی سی، سی سی ایل ایل سی اور حکومتی ملکیتی اداروں سے متعلق کابینہ کمیٹی کے فیصلوں کی توثیق کی۔ وفاقی کابینہ نے نیشنل ایکشن پلان کی ایپکس کمیٹی کے فیصلوں کی بھی منظوری دی۔ اجلاس میں کہا گیا کہ عزم استحکام کا آپریشن ماضی کے آپریشنز جیسا نہیں ہے، عزم استحکام کے آپریشن میں عوام کو کسی قسم کی پریشانی کا سامنا نہیں کرنا پڑے گا۔