پاور شیئرنگ کامعاملہ ، ن لیگ اور پی پی کی مشترکہ کمیٹی کا اجلاس آج ہوگا

پاکستان مسلم لیگ (ن)اور پیپلز پارٹی کے درمیان پاور شیئرنگ کے معاملے پر دونوں جماعتوں کی مشترکہ کمیٹی کی اہم بیٹھک آج ہوگی۔مسلم لیگ (ن)اور پیپلز پارٹی کی قائم مشترکہ کمیٹی کا اجلاس گورنر ہاس میں 2 بجے طلب کیا گیا ہے۔مذاکراتی کمیٹی میں نائب وزیر اعظم اسحاق ڈار، مریم اورنگزیب، ملک احمد خان شریک ہوں گے جبکہ پیپلز پارٹی کی جانب سے راجہ پرویز اشرف، ندیم افضل چن، حسن مرتضی اور علی حیدر گیلانی شریک ہوں گے۔گورنر ہاس میں طلب کی جانے والی میٹنگ میں پاور شیئرنگ کے وعدوں پر عملدرآمد کا جائزہ لیا جائے گا۔پیپلز پارٹی کے تحفظات بھی اجلاس میں زیر غور آئیں گے، معاہدے کے باقی نکات پر بھی عمل درآمد کے لیے ٹائم فریم طے کیا جائے گا۔اس کے علاوہ اجلاس میں ترقیاتی اسکیموں میں حصہ نہ دینے اوراضلاع میں افسران کی طرف سیتعاون نہ کرنے کے معاملات پرغورکیا جائے گا۔یاد رہے وزیراعظم شہباز شریف اور چیئرمین پیپلزپارٹی بلاول بھٹو کے درمیان 3 دن قبل ملاقات ہوئی تھی جس میں پیپلز پارٹی نے شکوہ کیا تھا کہ پنجاب حکومت میں پیپلز پارٹی کو مسلسل نظر انداز کیا جا رہا ہے۔