پاکستان کیخلاف جعلی فلیگ آپریشنز بھارت کا معمول کا سیاسی آلہ بن چکے ہیں ، آرمی چیف

آرمی چیف جنرل سید عاصم منیر نے کہا ہے کہ پاکستان کے خلاف جھوٹا پروپیگنڈہ اور فالس فلیگ آپریشن بھارت کا معمول کا سیاسی آلہ بن چکا ہے۔آرمی چیف نے حاجی پیر سیکٹر میں لائن آف کنٹرول کا دورہ کیا اور جوانوں کے ساتھ عید کا دن گزارا۔آرمی چیف نے فرنٹ لائن پر جوانوں اور جوانوں کے ہمراہ عید کی نماز ادا کی جس کے بعد پاکستان کی سلامتی اور خوشحالی کے لیے دعا کی گئی۔ آرمی چیف نے شہدائے پاکستان کی قربانیوں کو خراج تحسین پیش کیا اور مادر وطن کے دفاع کے لیے ان کی لگن، بلند حوصلے اور عزم کو سراہا۔آرمی چیف نے کہا کہ اپنے ملک اور اہل وطن کی سلامتی کو یقینی بنانے کے لیے ہم بطور سپاہی ڈیوٹی کے دوران اپنے گھروں اور پیاروں سے دور ایسے تہوار منانے پر فخر محسوس کرتے ہیں۔مقبوضہ کشمیر میں کشمیریوں کی جدوجہد آزادی پر گفتگو کرتے ہوئے آرمی چیف نے کہا کہ انتخابات کے بعد بھارت اپنی جارحیت اور کشمیریوں کو پاکستان کے خلاف جھوٹے پروپیگنڈے اور اشتعال انگیزیوں کا نشانہ بنانے کی کوشش کر رہا ہے، فالس فلیگ آپریشنز سمیت اس طرح کے ہتھکنڈے سیاسی طور پر معمول بن چکے ہیں۔ بھارت کا آلہ آرمی چیف نے کہا کہ پاکستان نے ہمیشہ خطے میں امن و استحکام کی حمایت کی ہے تاہم کسی بھی اشتعال انگیزی یا پاکستان کی علاقائی خودمختاری کی خلاف ورزی کا منہ توڑ جواب دیا جائے گا۔آرمی چیف نے اقوام متحدہ کی متعلقہ قراردادوں کے مطابق پاکستان کے اصولی موقف کا اعادہ کیا اور کشمیریوں پر بھارت کے جاری مظالم کی مذمت بھی کی۔