پاک ترک دوستی کا نیا سنگ میل: ترک ادارے کے امتحان میں 6,500 سے زائد طلبہ شریک

اک ترک معارف انٹرنیشنل اسکول اینڈ کالجز نے 15 فروری 2026 کو کامیابی کے ساتھ معارف ایڈمیشنز اینڈ اسکالرشپ (MAGIS) 2026 امتحان کا انعقاد کیا۔ یہ امتحان ملک کے 24 بڑے شہروں کے 42 مراکز میں منعقد ہوا، جن میں لاہور، اسلام آباد، کراچی، مظفر آباد، خیرپور، حیدرآباد، جامشورو، ملتان، پشاور اور کوئٹہ شامل ہیں۔
امتحان میں جماعت چہارم سے نہم تک کے 6,500 سے زائد طلبہ نے شرکت کی۔ یہ بڑی تعداد طلبہ اور والدین کے ادارے پر اعتماد اور میرٹ پر مبنی معیاری تعلیم کے عزم کا مظہر ہے، جو پاکستان کے نجی تعلیمی شعبے میں ادارے کی مضبوط ساکھ کو مزید مستحکم کرتا ہے۔
مظفرآباد کے علاقے کو خصوصی اہمیت دی گئی، جہاں پاک ترک معارف انٹرنیشنل ایک نئے کیمپس کے قیام کی منصوبہ بندی کر رہا ہے۔ اس خطے میں غیر معمولی جوش و خروش دیکھنے میں آیا اور 1,400 سے زائد امیدواروں نے امتحان میں شرکت کی، جو کشمیر ریجن میں ادارے کی تعلیمی خدمات کے لیے عوامی اعتماد کا واضح ثبوت ہے۔
امتحانی عمل کو شفاف، منصفانہ اور غیر جانبدار بنانے کے لیے مرکزی ڈیجیٹل نظام کے ذریعے مکمل کیا گیا۔ نتائج کے اعلان کے بعد کامیاب امیدوار انٹرویو مرحلے میں داخل ہوں گے، جہاں ان کی تعلیمی استعداد، ابلاغی مہارت، جذبہ اور مجموعی ترقی کی صلاحیت کا جائزہ لیا جائے گا۔
واضح رہے کہ یہ ادارہ ترکیے معارف وقف کے زیرِ انتظام پاکستان میں خدمات انجام دے رہا ہے۔ اس پروگرام کے تحت طلبہ کو مکمل اور جزوی اسکالرشپس، ٹیوشن فیس میں رعایت اور ترکی زبان کی تعلیم سمیت متعدد سہولیات فراہم کی جاتی ہیں۔ کامیاب امیدواروں کو ترکی میں اعلیٰ تعلیم کے مواقع کے لیے رہنمائی، کیریئر کونسلنگ، انٹرن شپ پروگرامز اور پیشہ ورانہ ترقی کی معاونت بھی دی جائے گی۔
انتظامی عملے، اساتذہ، نگرانوں اور رضاکاروں نے ملک بھر کے تمام مراکز پر امتحان کے انعقاد کو خوش اسلوبی سے مکمل کیا اور طلبہ و والدین کو ہر ممکن سہولت فراہم کی۔
10 شہروں میں قائم 26 کیمپسز اور 13,000 سے زائد طلبہ کے ساتھ پاک ترک معارف انٹرنیشنل اسکول اینڈ کالجز پاکستان میں بین الاقوامی معیار، جدید انفراسٹرکچر اور تعلیمی عمدگی کے عزم کے ساتھ نمایاں مقام رکھتا ہے۔
MAGIS 2026 کے نتائج 25 فروری 2026 کو سرکاری رجسٹریشن پورٹل emaarif.com.pk پر جاری کیے جائیں گے، جس کے بعد کامیاب امیدوار انتخاب کے اگلے مرحلے میں شامل ہوں گے۔