پیٹرولیم مصنوعات کی قیمتوں میں بڑی کمی کا اعلان

تیل کی قیمتوں میں بڑی کمی کا اعلان کردیاگیا ۔پیٹرول 8 روپے فی لیٹر سستا ہوگیا ۔وزارت خزانہ نے پیٹرول ، ڈیزل کی نئی قیمتوں کا نوٹیفکیشن جاری کردیا گیا ، پیٹرولیم مصنوعات کی نئی قیمتوں کا اطلاق آج رات 12 بجے سے ہوگا۔نوٹیفکیشن کے مطابق پیٹرول کی فی لیٹر قیمت میں آٹھ روپے کمی کی گئی ہے جس کے بعد پیٹرول کی نئی قیمت 323 روپے 38 پیسے فی لیٹر مقرر کردی گئی ۔ڈیزل کی قیمت میں گیارہ روپے فی لیٹر کمی کی گئی ہے ہائی اسپیڈ ڈیزل کی نئی قیمت 318 روپے 18 پیسے فی لیٹر مقرر کی گئی ہے ۔لائٹ ڈیزل کی قیمت میں سات روپے 77 پیسے فی لیٹر کمی کی گئی جبکہ مٹی کا تیل سات روپے 53 پیسے سستا ہوا ہے ۔