پیپلزپارٹی نے کبھی بھی گورنرراج کی حمایت نہیں کی ، گورنر پنجاب

گورنر پنجاب سردار سلیم حیدر خان نے کہا کہ پیپلزپارٹی نے کبھی بھی گورنرراج کی حمایت نہیں کی۔گورنر پنجاب سردار سلیم حیدر خان نے اپنے بیان میں کہا کہ سیاسی طریقے سے چلا جائے توچیزیں بہتر ہوسکتی ہیں، کے پی کے حکومت اور وزیراعلی کا رویہ انتہائی غیرجمہوری ہے، پنجاب میں پی ٹی آئی قیادت اپنے گھروں سے بھی باہرنہیں نکلی۔سردار سلیم حیدر نے کہا کہ پنجاب میں کسان اورکاشت کار ختم ہوگئے ہیں، کسانوں پر40فیصد زرعی ٹیکس زیادتی ہے، حکومت سے متعلق سارے آپشنز کھلے ہیں۔انہوں نے کہا کہ پنجاب میں سیاسی سپیس بھیک سے نہیں لیں گے، آخری حدتک کوشش ہے کہ حکومت کیساتھ رہیں لیکن حکومت ڈیلیور کرے۔