پی ٹی آئی ریلی پر حملے کی مذمت ،پاکستانیوں کو بلا خو ف اپنا لیڈر منتخب کرنے کا حق ہے ، امریکا

امریکی محکمہ خارجہ کے ترجمان میتھیو ملر نے کہا ہے کہ پاکستانیوں کو بلاخوف اپنا لیڈر منتخب کرنے کا حق ہے۔واشنگٹن میں پریس بریفنگ کے دوران انہوں نے پی ٹی آئی کی ریلی پر حملے کی مذمت کی اور متاثرین سے ہمدردی کا اظہار کیا۔میتھیو ملر نے کہا کہ پاکستان میں گزشتہ ماہ دیگر سیاسی جماعتوں پر حملے ہوئے، الیکشن کمیشن کے عملے پر بھی کئی مقامات پر حملے ہوئے ہیں۔انہوں نے کہا کہ انتخابی عمل کو نقصان پہنچانے والے کسی بھی تشدد کی مذمت کرتے ہیں۔میتھیو ملر کا مزید کہنا تھا کہ وہ پاکستان میں آزاد اور شفاف انتخابی عمل دیکھنا چاہتے ہیں۔