چیف جسٹس یحیی آفریدی کی سربراہی میں فل کورٹ اجلاس

چیف جسٹس پاکستان جسٹس یحیی آفریدی کی سربراہی میں فل کورٹ اجلاس ہوا، جس میں عدالت عظمی کے تمام ججز نے شرکت کی۔سپریم کورٹی کے جاری اعلامیہ کے چیف جسٹس نے اجلاس کا آغاز معزز ججز کو خوش آمدید کہہ کر کیا اور ایجنڈا پیش کیا۔اعلامیہ کے مطابق ایجنڈا میں عدالت کی انتظامی کارکردگی بہتر بنانا اور اسکے امور کو مثر طریقے سے چلانا تھا۔ اعلامیہ کے مطابق ریاستی اخراجات پر مقرر کیے گئے وکلا کی قانونی/ پیشہ ورانہ فیسوں پر نظرثانی کی تجویز پر غور کیا گیا۔ سابق ہائی کورٹ ججز کو سپریم کورٹ کے وکیل کے طور پر انرول کرنے سے متعلق سفارشات زیر غور آئیں، معلومات تک رسائی کے حق، اثاثہ جات کے اعلان کے عمل پر مشاورت ہوئی۔ اعلامیہ کے مطابق سپریم کورٹ رولز 2025 کے مسودے پر بھی تفصیلی مشاورت اور مناسب ہدایات جاری کی گئیں۔ اعلامیہ کے مطابق فل کورٹ اجلاس میں تمام ججزنیقیمتی آرا پیش کیں، فورم نے سپریم کورٹ رولز ترمیمی کمیٹی اور رجسٹرار آفس کی کارکردگی کو سراہا۔ اجلاس میں اگلی فل کورٹ میٹنگ جلد منعقد کرنے پر اتفاق رائے کیا گیا۔