کراچی ، غیر قانونی مقیم افراد کیخلاف آپریشن ، 100 سے زائد زیر حراست

کراچی کے علاقے سہراب گوٹھ اور الاصف اسکوائر میں غیر قانونی تارکین وطن کیخلاف آپریشن مکمل کرلیاگیا۔ایس پی سہراب گوٹھ کا کہنا ہے کہ پانچ سو کے قریب فلیٹس کی تلاشی لی گئی ،100 سے زائد مشتبہ افراد کو حراست میں لیا گیا ۔ایس پی عزیز احمد کا کہنا ہے کہ کوائف مکمل نہ ہونے پر مشتبہ افراد کو ہولڈنگ کیمپ منتقل کیاجارہاہے ۔پولیس نے یہ بھی بتایا کہ اس آپریشن میں خواتین اہلکاروں نے بھی حصہ لیا ہے۔