کاظم خان کی قیادت میں (سی پی این ای )کے ایک اعلی سطحی وفد نے ڈی جی آئی ایس پی آر سے ملاقات کی۔اراکین وفد نے اس موقع پر کہامعرکہ حق کے دوران شاندار کارکردگی پر افواج پاکستان خراج تحسین کے حقدار ہیںمعرکہ حق کے تمام مراحل کے دوران (آئی ایس پی آر)نے کلیدی کردار ادا کیا اور ہندوستانی میڈیا کے ہیجان انگیز پروپیگنڈے کے جواب میں بروقت اور معتبر اطلاعات کی فراہمی کو یقینی بنایا۔
معرکہ حق میں فقید المثال فتح پاکستانی قوم، حکومت پاکستان اور عسکری اداروں کی باہمی اور مربوط حکمت عملی کا ثمر ہے۔ڈی جی آئی ایس پی آر نے اظہار کرتے ہوئے کہانوجوان اس ملک کا سرمایہ ہیں اور انکی ملک کے بارے میں مثبت سوچ پاکستان کے روشن مستقبل کی دلیل ہے۔دہشت گردی کے تمام واقعات کے پیچھے انڈین منفی سوچ اور وسائل کار فرما ہیں۔ پاکستان کی افواج عوام کی تائید سے اس پراکسی جنگ کا قلع قمع کرنے کی پوری صلاحیت رکھتی ہیں۔بلوچستان میں منفی پروپیگنڈے کے ذریعے عوام میں مایوسی پھیلائی جانے کی مذموم کوششیں کبھی کامیاب نہیں ہونگی کیونکہ بلوچستان کے محب وطن اور غیور عوام ان ملک دشمن عناصر اور انکے بیرونی آقاؤں کی ریشاداونیوں سے بخوبی آگاہ ہیں۔
میڈیا نے پاکستان کو درپیش مسائل اور چیلنجز میں ہمیشہ ایک ذمہ دارانہ اور مثبت کردار ادا کیا ہے۔ معرکہ حق کے دوران پاکستانی میڈیا نے نہ صرف ذمہ دارانہ اور اعلیٰ صحافتی اقدار کا مظاہرہ کیا بلکہ انڈین میڈیا کے منفی پروپیگنڈے کا انتہائی مؤثر جواب دیا۔آخر میں وفد نے ڈی جی آئی ایس پی آر کو یادگاری شیلڈ پیش کی۔
