یو اے ای نے ہمیشہ دیرینہ دوست کی حیثیت میں پاکستان کی ہر مشکل میں ساتھ دیا،وفاقی وزیر قانون

وفاقی وزیر قانون و انصاف اعظم تارڑ نے کہا ہے کہ متحدہ عرب امارات نے ہمیشہ دیرینہ دوست کی حیثیت میں پاکستان کی ہر مشکل میں ساتھ دیا معاشی استحکام میں مدد کے لئے متحدہ عرب امارات کے تعاون پر شکر گزار ہیں یہ بات انھوں نے یو اے ای کے سفیر حماد عبید الزابی سے ملاقات کے دوران کہی ملاقات میں دوطرفہ ملکی امور پر گفتگو کی اس موقع پر یو اے ای کے سفیر حماد عبید الزابی نے کہا کہ پاکستان میں سیاسی اور معاشی پائیداری نہ صرف پاکستان بلکہ پورے خطے کے لئے اہم ہے۔ وفاقی وزیر قانون و انصاف اعظم تارڑ نے کہا کہ وزیر اعظم شہباز شریف کی سربراہی میں ملکی حالات بہتری کی طرف گامزن ہیں وزارت قانون و انصاف پاکستان اور وزارت انصاف یو اے ای کی طرف سےدونوں ممالک کے فائدے اور عوام کی سہولت کے لئے تعاون جاری رکھیں گے۔