لاہور: 9 مئی کے پرتشدد واقعات کی تحقیقات کیلئے جے آئی ٹی نے پاکستان تحریک انصاف کے چیئرمین اور سابق وزیراعظم عمران خان کو آج (منگل) شام 4 بجے طلب کرلیا۔ذرائع کا کہنا ہے کہ جناح ہاؤس اور عسکری ٹاور میں جلاؤ گھیراؤ کی تحقیقات کے سلسلے میں ڈی آئی جی کامران خان کی سربراہی میں بننے والی جے آئی ٹی نے عمران خان کو طلب کیا ہے۔ذرائع کے مطابق عمران خان کو ڈی آئی جی انویسٹی گیشن آفس قلعہ گجر سنگھ میں طلب کیا گیا ہے جہاں اُن سے 9 مئی کے واقعات پر تفتیش کی جائے گی۔ذرائع کا کہنا ہے کہ چئیرمین تحریک انصاف عمران خان کو جے آئی ٹی میں طلبی کا نوٹس موصول ہوگیا ہے جس پر انہوں نے اپنی قانونی ٹیم کے ساتھ مشاورت بھی کی ہے، عمران خان کل جے آئی ٹی کے سامنے پیش ہوں گے یا نہیں تا حال فیصلہ نہیں ہوسکا۔یاد رہے کہ 9 مئی کے واقعات پر پنجاب حکومت نے 10 مختلف جے آئی ٹیز بنائی تھیں، عمران خان تھانہ سرور روڈ، شادمان اور ریس کورس سمیت دیگر تھانوں میں درج ہونے والے مقدمات میں نامزد ہیں۔
خاص خبریں
9 مئی کے واقعات کی تحقیقات کیلئے جے آئی ٹی نے عمران خان کو طلب کرلیا
- by Daily Pakistan
- مئی 30, 2023
- 0 Comments
- Less than a minute
- 289 Views
- 1 سال ago
![چیئرمین پی ٹی آئی کی بیٹوں سے ٹیلیفونک گفتگو کرانے کا حکم](https://dailypakistan.pk/wp-content/uploads/2023/04/imran-khan-3.jpg)