پارلیمنٹ سے منظور بل کے بعد نوازکا کیس پھر سے کھولا نہیں جاسکتا ، علی ظفر

اسلام آباد: علی ظفر نے کہا ہے کہ پارلیمنٹ سے منظور شدہ بل کے نتیجے میں نواز کا کیس پھر سے کھولا نہیں جاسکتا ۔وائس چیئرمین پاکستان بار کونسل ہارون الرشید نے علی ظفر سے اختلاف کرتے ہوئے کہا کہ نواز کو طیارہ ہائی جیکنگ کیس میں نااہل قرار دیا گیا مگر سپریم کورٹ نے یہ سزا بعد میں ختم کردی تھی ۔سینیٹر مصدق ملک نے کہا کہ انصاف یہی ہے کہ جو کچھ غلط ہوا ہے اسے درست کیاجائے۔دوسری جانب پی ٹی آئی رہنما فواد نے از خود نوٹس کیس میں جسٹس قاضی فائز عیسی کے فیصلے کو صحافیوں کی شرارت قرار دیتے ہوئے کہا کہ ایسا کوئی فیصلہ ہوا ہی نہیں ہے ۔ بیرسٹر علی ظفر فواد کی بات سے اختلاف کرتے ہوئے کہا کہ اس میں شرارت کی کوئی بات نہیں ہے ،یہ عدالت کا فیصلہ ہے جس طرح کسی اور بینچ کا فیصلہ ہوتا ہے اس فیصلے کو بھی عزت سے دیکھنا چاہیے ، چاہیے آپ فیصلے پربات کریں یا تنقید کریں۔