تحریک انصاف احتجاج کے دوران مظاہرین کے تشدد سے زخمی پولیس اہلکار دم توڑ گیا

اسلام آباد:پولیس اہلکار حمید شاہ 26 نمبر چونگی کے مقام پر مظاہرین کے تشدد سے شدید زخمی ہوگئے تھے جس کے بعد انہیں پمز ہسپتال منتقل کیا گیا تھا جہاں وہ زخموں کی تاب نہ لاتے ہوئے دم توڑ گئے۔جاں بحق پولیس اہلکار کی نماز جنازہ کچھ دیربعد پولیس لائنز میں ادا کی جائے گی۔شہید عبدالحمید شاہ اسلام آباد پولیس میں 1988 میں بھرتی ہوئے اور وہ ایبٹ آباد کے رہائشی تھے، عبدالحمید شاہ نے3 ماہ بعد پولیس سے سروس مکمل کرکے ریٹائر ہونا تھا۔