پہلگام حملہ: بھارتی میڈیا کا پاکستان مخالف شیطانی پروپیگنڈا ایک بار پھر بے نقاب

مقبوضہ کشمیر میں حملے کے بعد بھارتی میڈیا کا پاکستان مخالف شیطانی پروپیگنڈے پر مبنی کھیل ایک بار پھر بے نقاب ہوگیا۔
رپورٹ کے مطابق ذرائع کا کہنا ہے کہ ہر دہشتگرد حملے کے بعد بھارتی میڈیا کا ایک ہی وطیرہ ہے کہ بغیر ثبوتوں کے پاکستان پر الزام لگا، سچ چھپا اور اپنی عوام کو بیوقوف بنا۔ہندوستان ٹائمز کے مطابق حملہ 3 بجے ہوا، بھارتی خفیہ ایجنسی را سے جڑے سوشل میڈیا اکانٹ نے 3 بجکر 5 منٹ پر پاکستان پر الزام لگا دیا۔ ذرائع کے مطابق اس کے بعد حملے کے 30 منٹ بعد بھارتی سوشل میڈیا اکانٹس نے #PakSponsoredTerror، ٹوئٹس کا آغاز کر دیا، واقعے کے 30 منٹ سے 60 منٹ میں بی جے پی لیڈران جے پی نڈڈا اور امت شاہ نے ٹوئٹس کر دیئے۔
ذرائع کا کہنا ہے کہ واقعے کے 1 سے 3 گھنٹوں بعد جعلی انٹیلی جنس رپورٹس لیک کر دی گئیں جس پر آر ایس ایس کے ٹرول اکانٹس ماس ریٹویٹ کرتے ہیں، حیران کن طور پر پہلگام واقعہ کے پہلے 15 منٹ میں بی جے پی سپورٹر کی جانب سے 500 بھارتی اکانٹس سے ایک جیسے ٹوئٹس کئے گئے۔ذرائع کے مطابق 30 منٹ میں #PakistanTerrorError ٹاپ ٹرینڈ بن جاتا ہے جس میں جعلی کشمیری ناموں سے ٹوئٹس کئے جاتے ہیں، واقعے کے 1 گھنٹے کے بعد میجر گوینڈا جیسے فوجی اکانٹس رد عمل دیتے ہیں، پرانی ویڈیوز کو تازہ واقعے سے جوڑ کر دکھانا بھارتی میڈیا کا بھونڈا وطیرہ ہے۔
ذرائع کے مطابق بھارتی میڈیا شواہد کے بغیر ایسے حملوں کو پاکستان مخالف جذبات بھڑکانے کیلئے استعمال کرتا آیا ہے، حقیقت میں یہ الزامات پہلے سے تیار کئے جا چکے ہوتے ہیں جنہیں پاکستان مخالف زہر اگلنے میں استعمال کیا جاتا ہے، دہشتگردی کا کوئی مذہب نہیں مگر بھارت اسے ہمیشہ مسلمانوں اور پاکستان سے جوڑتا ہے۔
دفاعی ماہرین نے پہلگام واقعے پر سنجیدہ سوال اٹھا دیئے، ان کا کہنا ہے کہ بھارتی میڈیا نے پہلگام ڈرامے میں ہلاک ہونے والے 27 افراد کی نعشیں کیوں نہیں دکھائیں؟ بھارتی میڈیا پر زمین پر لیٹے ہوئے مرد کے پاس مشکوک طور پر بیٹھی عورت کی صرف ایک فوٹو شاپ تصویر سامنے آئی جس میں خون کا ایک قطرہ یا معمولی زخم بھی نظر نہیں آیا۔
دفاعی ماہرین نے کہا کہ بھارتی را سے جڑے اکانٹس نے عین نام نہاد حملے کے وقت ہی پاکستان کو سزا دینے کی ٹویٹ کرنا کیوں شروع کر دیں، بھارت دنیا کو ثبوت کا ایک ٹکڑا بھی دکھائے جو اس نام نہاد حملے میں پاکستان کے ملوث ہونا ثابت کرے، گودی میڈیا بغیر ثبوتوں اور زبانی جمع خرچ کے سوا کچھ نہیں کر سکتا۔دفاعی ماہرین کا کہنا ہے کہ بین الاقوامی سطح پر حزیمت سے بچنے کیلئے بھارتی میڈیا اپنے جھوٹ کو چھپانے کیلئے ایک نیا جھوٹ سامنے لائے گا، پہلگام ایل او سی سے تقریبا 400 کلومیٹر کے فاصلے پر ہے اور بھارت نے کشمیر میں 9 لاکھ فوج جمع کر رکھی ہے، مقبوضہ کشمیر میں اتنی بڑی فوج کے ہوتے ہوئے ایسا حملہ کیسے ممکن ہے؟
دفاعی ماہرین نے کہا کہ ایسے حملے ہمیشہ اس وقت کیوں ہوتے ہیں جب کوئی مغربی یا امریکی سیاسی قیادت ہندوستان کا دورہ کر رہی ہو یا ہندوستان میں کوئی اہم واقعہ ہو رہا ہو؟ کیا بھارت نے ماضی کے فالس فلیگ آپریشنز سے کچھ نہیں سیکھا؟دفاعی ماہرین کا کہنا ہے کہ بھارت کو چاہئے کہ ان سوالات کے جوابات دے تاکہ دنیا ان کی من گھڑت کہانیوں پر یقین کر سکے، دنیا بھر میں سکھوں کو قتل کر کے بین الاقوامی دہشت گردی کی سرپرستی کرنے والا بھارتی مکروہ چہرہ بے نقاب ہو چکا ہے۔ دفاعی تجزیہ کار میجر جنرل ریٹائرڈ رضا محمد نے کہا کہ یہ کوئی نہیں بات نہیں، بھارتی ایجنسیز اورسوشل میڈیا کا یہ پرانا وطیرہ ہے، حملہ کے بعد اب ہندوستان سے ہر کوئی بغیر ثبوت کے پاکستان پر الزام لگانے آگیا۔
میجر جنرل ریٹائرڈ رضا محمد نے کہا کہ ایسی صورتحال میں پاکستان جب تحقیقات کرلے تو پھر کسی دوسرے کو کہتا ہے، یہ حملہ ہندوستان کا اپنا رچایا ہوا ڈرامہ ہے، پاکستان اس وقت کیوں خود کو بدنام کروانے کیلئے ایسا کام کرے گا۔
سینیٹر مشاہد حسین سید نے کہا کہ بھارتی انٹیلی جنس، ملٹری اور سکیورٹی ایجنسیز ماضی میں بھی فالس فلیگ آپریشنز کرتی رہیں، انہوں نے 1995 میں بھی ویسٹرن ٹورسٹ مارے تھے، جب 2000 میں کلنٹن آیا تو انہوں نے سکھوں کو مارا۔انہوں نے کہا کہ اب ہندوستان میں جے ڈی وینس پہنچا ہوا ہے، مودی خود سعودی عرب پاکستان کو بدنام کرنے کیلئے گیا ہوا تھا، ہندوستان خود را کے ذریعے دوسرے ممالک میں دہشتگردی کر رہا ہے۔
مشاہد حسین سید نے کہا کہ ایک طرف ہندوستان کہتا ہے کہ مقبوضہ کشمیر میں فول پروف سکیورٹی ہے، دوسری طرف یہ پاکستان کے خلاف الزام تراشی کرتے ہیں، ہندوستان میں مقبوضہ کشمیر میں 10 لاکھ فوج بھی تعینات ہے۔انہوں نے کہا کہ بھارت کا صرف ایک مقصد ہے کہ پاکستان کو بدنام کیا جائے، ہمیں ہندوستان کو بینقاب کرنا چاہیے، ہم یونائیٹڈ نیشن میں ہیں، یہ بتائیں ان پر کہاں سے آپریشن ہوا۔مشاہد حسین سید کا کہنا تھا کہ کشمیر کے عوام خود ہندوستانی فوج کو قابض فوج سمجھتے ہیں، یہ ان کا اندرونی معاملہ ہے، مقبوضہ کشمیر کے عوام آزادی چاہتے ہیں، یہ پاکستان پر الزام لگا رہے ہیں، ہم نے بھارت کو بے نقاب کرنا ہے۔ حریت رہنما عبدالحید لون نے کہا کہ پہلگام فالس فلیگ آپریشن کشمیریوں کو بدنام کرنے کی بھارتی سازش ہے، عام کشمیریوں کے تاثرات کو بھی دنیا سن لے، سری نگر لالچوک میں عام شہریوں نے پہلگام واقعہ کو بھارتی سازش قرار دیا ہے۔
عبدالحمید لون کا کہنا تھا کہ پہلگام فالس فلیگ آپریشن امریکی نائب صدر نے ڈی وینس کے دورہ بھارت کے موقع پر رچایا گیا ہے، 2000 میں امریکی صدر بل کلنٹن کے دورہ بھارت میں بھارت نے چھٹی سنگھ پورہ میں قتل عام کیا تھا، ماضی اور موجودہ حملے میں مماثلت پائی جاتی ہے۔حریت رہنما کا کہنا تھا کہ بھارت ہمدردی حاصل کرنے کے لئے اتحادیوں سے فوجی مدد حاصل کرنے کے لئے وکٹم کا کارڑ کھیل رہا ہے، 2019 میں پلوامہ حملے کو سابق گورنر ستہ پال ملک کے اعتراف نے بھارت کو بے نقاب کیا تھا۔عبدالحمید لون نے کہا کہ حریت کانفرنس مودی حکومت کی معاشی جدوجہد اور اندرونی بدامنی سے منہ موڑنے کے لئے دہشت گردی کے بیانیے کا استعمال کرتی ہے، اتنی فورسز کی موجودگی میں دہشت گردی کا ڈرامہ رچا کر پاکستان اور کشمیریوں کو بدنام کرنا بھارت کا مقصد ہے۔