اے سی سی ایمرجنگ ٹی ٹوئنٹی ایشیا کپ ، پاکستان شاہینز ٹیم اومان روانہ

پاکستان شاہینز کی ٹیم اے سی سی ایمرجنگ ٹیمز ٹی ٹوئنٹی ایشیا کپ میں شرکت کے لیے کراچی سے عمان روانہ ہو گئی۔پاکستان شاہینز ٹیم کے 15 رکنی اسکواڈ کی قیادت محمد حارث کریں گے جبکہ عمر رشید ہیڈ کوچ، عمران فرحت بیٹنگ کوچ اور رفعت اللہ مہمند فیلڈنگ کوچ ہوں گے۔پاکستان شاہینز نے 11 سے 15 اکتوبر تک کراچی میں تربیتی کیمپ لگایا۔پاکستان شاہینز ٹیم اے سی سی ایمرجنگ ٹیمز ٹی ٹوئنٹی ایشیا کپ میں اپنا پہلا میچ 19 اکتوبر کو بھارت اے کے خلاف کھیلے گی۔شاہینز ٹیم گروپ بی کے بقیہ میچز 21 اکتوبر کو میزبان عمان اور 23 اکتوبر کو متحدہ عرب امارات کے خلاف کھیلے گی۔ٹورنامنٹ کے دونوں سیمی فائنلز 25 اکتوبر جبکہ فائنل 26 اکتوبر کو کھیلا جائے گا۔