بنوں، سکیورٹی فورسز کی چیک پوسٹ پر حملے کی کوشش، پاک فوج کے 12 جوان شہید

خیبرپختونخوا کے ضلع بنوں کے علاقے مالی خیل میں خوارج کی سیکیورٹی فورسز کی چیک پوسٹ پر حملے کی کوشش ناکام ہوگئی، فائرنگ کے تبادلے میں پاک فوج کے 12 جوان شہید جبکہ 6 خوارج ہلاک ہوگئے۔پاک فوج کے شعبہ تعلقات عامہ (آئی ایس پی آر)کے مطابق خارجیوں نے ڈسٹرکٹ بنوں کے علاقے مالی خیل میں سیکیورٹی فورسز کی چیک پوسٹ پر حملے کی کوشش کی تاہم سیکیورٹی فورسز کے جوانوں نے خوارج کی چیک پوسٹ میں داخل ہونے کی کوشش ناکام بنا دی۔آئی ایس پی آر کے مطابق خوارج نے ناکامی پر بارود سے بھری گاڑی چیک پوسٹ کی دیوار سے ٹکرا دی، جس کے نتیجے میں دھماکا ہوگیا تاہم دھماکے میں پاک فوج کے 12 جوان شہید ہوگئے، شہدا میں 10 جوان پاک فوج جبکہ 2 جوان فرنٹیئرکانسٹیبلری (ایف سی)سے ہیں۔