علی امین گنڈاپور اور اسد قیصر کا فواد چوہدری سے رابطہ تصدیق بھی ہوگئی

پاکستان تحریک انصاف (پی ٹی آئی)کے رہنماوں نے فواد چوہدری سے رابطے کیے ہیں۔ذرائع کے مطابق علی امین گنڈا پور اور اسد قیصر نے فواد چوہدری سے رابطہ کیا ہے۔وزیر اعلی خیبر پختون خوا علی امین گنڈا پور نے فواد چوہدری سے پارٹی پر تنقید نہ کرنے کی درخواست کی ہے۔کے پی کے وزیرِ اعلی علی امین گنڈاپور نے فواد چوہدری سے غلط فہمیاں دور کرنے کا بھی کہا ہے۔رہنما پی ٹی آئی اسد قیصر نے فواد چوہدری سے رابطے کی تصدیق کرتے ہوئے کہا ہے کہ میں نے فواد چوہدری اور تمام رہنماوں کو پیغام دیا ہے کہ وقتی طور پر خاموش رہیں۔اسد قیصر کا یہ بھی کہنا ہے کہ پارٹی چھوڑنے والے سب رہنماوں کو یہی کہا ہے کہ وہ تنقید نہ کریں۔