اشیائے خوردونوش کے معیار پر شکایت برداشت نہیں کروں گی ، مریم نواز

وزیراعلیٰ مریم نواز نے رمضان پیکج کی اشیاءکے اعلیٰ معیار کو یقینی بنانے کی ہدایت کرتے ہوئے کہا کہ آٹا، گھی، چینی سمیت اشیائے خوردونوش کے معیار سے متعلق شکایات برداشت نہیں کریں گے۔مریم نواز کی زیر صدارت رمضان پیکج کی شفاف تقسیم اور مانیٹرنگ سے متعلق اجلاس ہوا۔ملاقات میں مریم نواز کو بتایا گیا کہ رمضان پیکج کی مستحقین کو شفاف طریقے سے فراہمی کے نظام کو فول پروف بنایا گیا ہے، پیکج کی تقسیم کو لائیو ڈیش بورڈ اور جدید ٹیکنالوجی کی مدد سے مانیٹر کیا جا رہا ہے۔ ہیلپ لائن قائم کر دی گئی ہے۔ جس کا باقاعدہ آغاز کل کیا جائے گا۔وزیراعلیٰ مریم نواز نے کہا ہے کہ رمضان ریلیف پیکج کی تقسیم باضابطہ طور پر 2 رمضان سے شروع ہوگی اور 10 رمضان تک تقسیم مکمل کرنے کا ہدف ہے۔