بھارتی ایئر لائن کے طیارے کراچی ایئر پورٹ پر ہنگامی لینڈنگ

کراچی:بھارتی ایئر لائن کے طیارے کے دوران پرواز مسافر کی طبیعت خراب ہونے پر کراچی ایئر پورٹ پر ہنگامی لینڈنگ کرنا پڑی۔ذرائع کے مطابق بھارت کی نجی ایئر لائن کی فلائٹ نئی دہلی سے قطر کے دارالحکومت دوحا جارہی تھی۔دوران پرواز مسافر کی طبیعت خراب ہونے پر کپتان نے کراچی ایئر ٹریفک کنٹرول سے ہنگامی لینڈنگ کی اجازت مانگی۔میڈیکل ایمرجنسی کے پیش نظر بھارتی ایئر لائن کے طیارے کو کراچی ایئر پورٹ پر لینڈنگ کی اجازت دے دی گئی۔لینڈنگ کے بعد سول ایوی ایشن اتھارٹی اور وفاقی وزارت صحت کے ڈاکٹرز نے مسافر کو معائنہ کیا۔ذرائع کا کہنا ہے کہ مسافر عبداللہ لینڈنگ سے قبل ہی انتقال کرچکا تھا۔عبداللہ کی عمر60سال تھی اور ان کا تعلق نائیجیریا سے ہے۔سی اے اے اوزارت صحت کے ڈاکٹرز نے مسافر کا ڈیتھ سرٹیفکیٹ جاری کردیا۔