جب بھی ضرورت پڑی مفتاح اسماعیل اور شاہد خاقان ہمارے پاس آ سکتے ہیں: رانا ثنا اللہ

وزیرِ اعظم شہباز شریف کے مشیرِ سیاسی امور رانا ثنا اللہ کا کہنا ہے کہ جب بھی ضرورت پڑی مفتاح اسماعیل اور شاہد خاقان ہمارے پاس آ سکتے ہیں، ہم ان کے پاس جا سکتے ہیں۔گفتگو کرتے ہوئے انہوں نے کہا کہ ہم پرانے دوستوں کو نہیں بھولے، وہ ہمیشہ سے یاد ہیں۔رانا ثنا اللہ کا کہنا ہے کہ مولانا فضل الرحمن کو 26 ویں آئینی ترمیم میں ساتھ لے کر چلے، ہم ان کے بغیر آئینی ترمیم کے لیے آگے نہیں بڑھے۔مسلم لیگ ن کے رہنما نے کہا کہ جو بھی مطالبات ہیں، ان پر سیاستدانوں کو بیٹھنا چاہیے، سیاست داں اگر آپس میں بیٹھیں گے تو معاملات سلجھیں گے الجھیں گے نہیں۔ان کا کہنا ہے کہ ابتدا میں ہم سے تھوڑی سی کوتاہی ہوئی اس کا ہم نے ازالہ کیا، مولانا فضل الرحمن اور دیگر سیاستدانوں سے بھی بات ہو گی۔رانا ثنا اللہ نے یہ بھی کہا کہ ایسا نہیں ہوتا کہ کسی کا مطالبہ من و عن تسلیم کر لیں، کچھ مانا جاتا ہے، کچھ منوایا جاتا ہے