حکومت کا بڑا اقدام ، ارشد شریف کے قتل کی تحقیقاتی ٹیم میں ردوبدل

وفاقی حکومت نے کینیا میں سینئر صحافی ارشد شریف کے قتل کی تحقیقات کے لیے بنائی جانے والی ہائی پروفائل ٹیم کی تشکیل نو کرکے اسے 3 رکنی سے کم کرکے 2 رکنی کردیا۔
تفصیلات کے مطابق ٹیم میں اب آئی ایس آئی کے نمائندا افسر شامل نہیں ہوگا ۔ وزارت داخلہ نے نوٹی فکیشن جاری کردیا جس کے مطابق ٹیم میں اب انٹیلی جنس بیورو (آئی بی) اور فیڈرل انویسٹی گیشن ایجنسی (ایف آئی اے) کے نمائندے شامل ہوں گے۔
اس سے پہلے جاری کیے گئے حکم نامے میں ٹیم میں انٹر سروسز انٹیلیجنس سروس (آئی ایس آئی) کے افسر کو بھی شامل کیا گیا تھا۔ ٹیم تحقیقات کے لیے فوری طور پر کینیا روانہ ہوگی اور وزارت داخلہ کو رپورٹ جمع کرائے گی۔
دوسری جانب سماجی رابطے کی ویب سائٹ ٹوئٹر پر اپنے ٹوئٹ میں فیصل واوڈا نے کہا کہ ارشد شریف کے قتل کے پیچھے حقائق کیا ہیں سچ سامنے لاﺅں گا، ان کاکہناتھا کہ پاکستان اور معصوم پاکستانیوں کی حفاظت کیلئے کھڑا رہوں گا۔
آ