حیدرآباد میں نامعلوم افراد ہزاروں روپے مالیت کی قیمتی مچھلی چوری کرکے لے گئے

حیدرآباد: جامشورو روڈ پر المنظر کے نزدیک مچھلی کے اسٹال سے ہزاروں روپے مالیت کی مچھلیاں چوری کرلی گئیں۔نامعلوم افراد اسٹال پر رکھے ریفریجریٹر کے تالے توڑ کر دس پلہ مچھلی اور چالیس دیگر اقسام کی مچھلیاں چوری کرکے لے گئے۔مچھلی فروش نوید ملاح نے بتایا کہ چوری کی گئی مچھلیوں کی مالیت ساٹھ ہزار سے زائد تھی۔انہوں نے یہ بھی بتایا کہ ہم نے یہ مچھلیاں دریائے سندھ اور جھیلوں سے خود پکڑی تھیں جنہیں فروخت کرنا تھا۔