قذافی اسٹیڈیم کے انکلو ژر ز کو بھی گرانے کاکام تیزی سے شروع

لاہور کے قذافی سٹیڈیم کی دیواریں گرانے کا کام بھی تیزی سے شروع کر دیا گیا ہے۔چیمپئنز ٹرافی سے قبل 3 وینیوز کی اپ گریڈیشن کا کام شروع کر دیا گیا، لاہور کے قذافی سٹیڈیم میں سب سے زیادہ تعمیراتی کام ہو گا، سب سے زیادہ رقم 7 ارب 70 کروڑ روپے ہے۔مرکزی عمارت کو گرانے اور تہہ خانے اور پانی کی ٹینک کی تعمیر کا کام 30 ستمبر تک مکمل کر لیا جائے گا اور پھر ہر ماہ ایک منزل مکمل کی جائے گی، 31 دسمبر تک عمارت کو کھڑا کرنے اور پویلینز مکمل کرنے کا ہدف ہے۔جس سے شائقین بہتر انداز میں میچ دیکھ سکیں گے، ساتھ ہی گرانڈ کے نکاسی آب کے نظام کو بھی جدید بنایا جا رہا ہے۔ڈیجیٹل اسکرینوں کی تنصیب کے ساتھ ساتھ فلڈ لائٹس کو بھی تبدیل کرکے جدید ایل ای ڈی لائٹس لگائی جائیں گی۔