لاہور میں یوٹیلٹی اسٹورز پر عام شہریوں کو مشکلات

لاہور میں یوٹیلیٹی سٹورز پر صرف بینظیر انکم سپورٹ اور احساس پروگرام کے تحت سستی اشیاءملنے سے عام شہریوں کو مشکلات کا سامنا ہے۔رجسٹرڈ نہ ہونے کی وجہ سے عام شہری یوٹیلیٹی سٹورز پر خالی ہاتھ آنے پر مجبور ہیں۔ایک شہری نے بتایا کہ رمضان سے قبل تمام شہری یوٹیلیٹی سٹورز سے سستی خریداری کر سکتے تھے، اب عام شہریوں کے لیے بغیر رجسٹریشن کے یوٹیلیٹی سٹورز سے خریداری بند کر دی گئی ہے۔دوسری جانب یوٹیلٹی اسٹورز کی انتظامیہ کا کہنا ہے کہ عام شہری رعایتی نرخوں پر اشیا نہیں خرید سکتے، عام شہری معمول کی قیمتوں پر خریداری کرسکتے ہیں۔انتظامیہ کا کہنا ہے کہ رجسٹرڈ افراد ہی رعایتی نرخوں پر اشیا کی خریداری کر سکتے ہیں۔