وزیراعلیٰ خیبرپختونخوا علی امین گنڈا پور آج وزیراعظم شہبازشریف سے ملاقات کریں گے۔ذرائع کے مطابق یہ اجلاس چیف سیکرٹری خیبرپختونخوا کی تعیناتی کے معاملے پر ہوگا۔حال ہی میں خیبرپختونخوا حکومت اور وفاقی حکومت کے درمیان پہلا تنازع اس وقت سامنے آیا جب وزیراعلیٰ خیبرپختونخوا نے وفاقی حکومت سے موجودہ چیف سیکرٹری کو تبدیل کرنے اور PAS BS-21 کے افسر شہاب علی شاہ کو چیف سیکرٹری تعینات کرنے کی درخواست کی۔ ماضی کی روایات کے برعکس علی امین نے تین ناموں کا پینل بھیجنے کے بجائے صرف ایک نام بھجوایا، حالانکہ تینوں افسروں میں سے کسی کو چیف سیکرٹری مقرر کرنا وزیراعظم کا اختیار ہے۔اس حوالے سے وزیراعلیٰ سیکرٹریٹ پشاور نے وفاقی حکومت کو مراسلہ ارسال کر دیا ہے۔
تبصرے (0)
اپنا تبصرہ لکھیں