بالی وڈ کے دبنگ خان کے مداحوں میں اس بات کو لے کر کافی حیرانی پائی جاتی ہے کہ اداکار کے ہاتھ میں ہر وقت فیروزہ پتھر والا بریسلٹ کیوں ہوتا ہے۔ اس حوالے سے سلمان خان کی ایک پرانی ویڈیو سوشل میڈیا پر زیرِ گردش ہے جس میں انہوں نے بریسلٹ سے متعلق تفصیلات بتائی تھیں۔
اداکار نے بتایا کہ یہ بریسلٹ میں نے ہمیشہ اپنے والد کو پہنے دیکھا ہے، یہ ان کے ہاتھ میں بہت اچھا لگتا تھا۔ انہوں نے کہا کہ بچپن میں اس بریسلٹ سے کھیلا کرتا تھا اور جب میں نے اپنے کیرئیر کا آغاز کیا تو والد نے مجھے بالکل اپنے جیسا بریسلٹ تحفے میں دیا۔
سلمان خان نے مداح کو بتایا کہ اس بریسلٹ میں فیروزہ نامی پتھر ہے جو مجھے تمام برائیوں سے محفوظ رکھتا ہے، مجھ پر کوئی بھی برائی آنے والی ہو تو اس پر دراڑ پڑ جاتی ہے، انہوں نے یہ بھی بتایا کہ اس بریسلٹ میں یہ میرا ساتواں پتھر ہے۔
