آرمی چیف جنرل عاصم منیر کی والدہ قضائے الہی سے وفات پاگئیں

آرمی چیف جنرل سید عاصم منیر کی والدہ قضائے الہی سے وفات پا گئیں۔ آرمی چیف جنرل سید عاصم منیر کی والدہ ماجدہ انتقال کرگئی ہیں، اللہ باری تعالی مرحومہ کے درجات بلند فرمائے اور انہیں جنت میں اعلی مقام عطا فرمائے،آمین۔
وزیراعظم شہبازشریف نے آرمی چیف جنرل سید عاصم منیر کی والدہ کیانتقال پر اظہار افسوس کرتے ہوئے کہا کہ سوگوار خاندان کے دکھ میں برابر کے شریک ہیں۔
وزیراعظم نے مرحومہ کے لیے بلند درجات کی دعا بھی کی۔ جمعیت علمائے اسلام کے سربراہ مولانا فضل الرحمان نے آرمی چیف کی والدہ کی وفات پر اظہار افسوس کرتے ہوئے کہا کہ ماں جیسی شفیق اور پیار کرنے والی ذات کی رحلت یقینا بڑا صدمہ ہے۔
مولانا فضل الرحمان نے کہا کہ اللہ کریم مرحومہ کی کامل مغفرت فرما کر اعلی علیین میں مقام عطا فرمائیا ور اللہ کریم جنرل عاصم منیر ،ان کی فیملی کو صبر جمیل عطا فرمائے۔
چیئرمین سینیٹ یوسف رضا گیلانی اور سابق چیئرمین سینیٹ صادق سنجرانی نے بھی آرمی چیف کی والدہ کیانتقال پرگہرے دکھ اور افسوس کا اظہار کرتے ہوئے مرحومہ کے بلند درجات کے لیے دعاکی اور آرمی چیف جنرل عاصم منیر سے اظہارہمدردی کیا۔
وزیرداخلہ محسن نقوی نے بھی آرمی چیف جنرل عاصم منیرکی والدہ کے انتقال پر اظہارِ افسوس کیا اور مرحومہ کی بلند درجات اور سوگوار خاندان کے لئے صبر جمیل کی دعا کی۔
اس کے علاوہ آرمی چیف جنرل عاصم منیر کی والدہ کے انتقال پر سینیٹر سلیم مانڈوی والا نے بھی اظہار تعزیت کیا۔
سلیم مانڈوی والا نے جنرل عاصم منیر اور اہل خانہ سے دلی ہمدردی و تعزیت کا اظہار کیا۔