خیبرپختونخوا میں کرکٹ گرانڈ نہ ہونا افسوسناک ہے: فیصل کریم کنڈی

گورنر خیبر پختونخوا فیصل کریم کنڈی نے کہا ہے کہ خیبرپختونخوا میں کرکٹ کے گرانڈ نہ ہونا افسوس ناک ہے۔پشاور میں تقریب سے خطاب کرتے ہوئے فیصل کریم کنڈی کا کہنا تھا کہ خیبرپختونخوا میں ارباب سٹیڈیم تاحال مکمل نہیں ہوا، حکومت نوجوانوں کیلئے کھیلوں کے میدان بنائے۔انہوں نے کہا کہ پی سی بی نے مختصرعرصے میں کراچی اورلاہورسٹیڈیمزکی تعمیرنوکی، صوبے میں کھیلوں کے میدان آباد کرنا چاہتیہیں، خیبرپختونخوا میں کرکٹ کے گرانڈ نہ ہونا افسوس ناک ہے۔گونر خیبرپختونخوا کا کہنا تھا کہ صوبے میں کھیلوں کے میدان آباد ہونے سے ملک کا نام روشن ہوگا، چترال میں کھیلوں کیمیدان آباد کریں گے، آج ایک اچھا میچ دیکھنے کو ملا، دونوں ٹیموں کو مبارکباد دیتا ہوں۔