اسلام آباد – سپریم کورٹ آف پاکستان الیکشن ٹربیونلز کیس کا فیصلہ 30 ستمبر کو سنائے گی۔
سپریم کورٹ نے قبل ازیں منگل کو فیصلہ محفوظ کر لیا تھا۔ عدالت نے الیکشن کمیشن آف پاکستان (ای سی پی) کو ٹربیونلز کو فعال بنانے کا بھی حکم دیا تھا۔ چیف جسٹس کی سربراہی میں پانچ رکنی بینچ نے الیکشن کمیشن کی اپیل کی سماعت کی۔ سماعت کے دوران چیف جسٹس عیسیٰ نے ریمارکس دیئے کہ بار بار درخواست کر کے تھک گیا ہوں، آئین دیکھیں کیا کہتا ہے؟ جسٹس جمال خان مندوخیل نے کہا کہ ‘چیف جسٹس ہائی کورٹ کوئی عام آدمی نہیں، الیکشن کمیشن اور ہائی کورٹس دونوں معزز ادارے ہیں، ٹربیونل میں ججز کی تقرری پر پسند و ناپسند کا معاملہ اب ختم ہونا چاہیے’۔ مزید پڑھیں: سپریم کورٹ نے الیکشن ٹربیونل تشکیل کیس کا فیصلہ محفوظ کرلیا
