شوگر ایڈوائزری بورڈ نے 5 لاکھ ٹن چینی درآمد کرنے کی منظوری دیدی

شوگر ایڈوائزری بورڈ نے 5 لاکھ ٹن چینی درآمد کرنے کی منظوری دے دی۔وزیر غذائی تحفظ و تحقیق رانا تنویر حسین کی زیر صدارت شوگر ایڈوائزری بورڈ کا اجلاس ہوا، جس میں چینی درآمد کرنے کی منظوری دی گئی۔اجلاس میں چینی کی فراہمی اور قیمتوں پر قابو پانے کیلیے سخت مانیٹرنگ کا فیصلہ کیا گیا۔وزیر غذائی تحفظ و تحقیق رانا تنویر حسین کا کہنا ہے کہ درآمدی چینی سے متعلق رسمی کارروائیاں مکمل کر لی جائیں گی، چینی کی قیمتوں میں استحکام کیلیے درآمد کا فیصلہ ناگزیر ہو گیا ہے۔
رانا تنویر حسین نے کہا کہ ملک بھر میں چینی کی سپلائی میں کمی کا سامنا ہے، چینی کی قلت پر قابو پانے کیلیے فوری اقدامات جاری ہیں، درآمدی چینی کو جلد مارکیٹ میں لایا جائے گا تاکہ صارفین کو ریلیف مل سکے۔