عام انتخابات ، ملک بھر میں 90 ہزار 675 پولنگ سٹیشنز قائم

الیکشن کمیشن کی جانب سے 8 فروری کو ہونے والے عام انتخابات کے لیے ملک بھر میں 90 ہزار 675 پولنگ اسٹیشنز قائم کیے گئے ہیں۔الیکشن کمیشن کے مطابق مردوں کے لیے 25 ہزار 320 پولنگ اسٹیشنز اور خواتین کے لیے 23 ہزار 952 پولنگ اسٹیشنز قائم کیے گئے ہیں جب کہ ملک بھر میں مردوں اور خواتین کے پولنگ اسٹیشنز کی مجموعی تعداد 41 ہزار 403 ہے۔الیکشن کمیشن کے مطابق پنجاب میں کل 50 ہزار ہیں۔ پنجاب میں 944 پولنگ اسٹیشنز، مردوں کے لیے 14 ہزار 556 پولنگ اسٹیشنز، خواتین کے لیے 14 ہزار 36 پولنگ اسٹیشنز قائم کیے گئے ہیں، جب کہ صوبے میں مردوں اور خواتین کے پولنگ اسٹیشنز کی مجموعی تعداد 22 ہزار 352 ہے۔الیکشن کمیشن کے مطابق سندھ میں مجموعی طور پر 19 ہزار 6 پولنگ اسٹیشنز قائم کیے گئے ہیں، سندھ میں مردوں کے لیے 4 ہزار 443 پولنگ اسٹیشنز اور خواتین کے لیے 4 ہزار 313 پولنگ اسٹیشن قائم کیے گئے ہیں۔سندھ میں مردوں اور خواتین کے مشترکہ پولنگ اسٹیشنز کی تعداد 10,250 ہے۔ خیبرپختونخوا میں کل 15,697 پولنگ اسٹیشنز قائم کیے گئے ہیں جن میں مردوں کے لیے 4,810 اور خواتین کے لیے 4,286 پولنگ اسٹیشنز ہیں۔خیبرپختونخوا میں مرد و خواتین کے 6 ہزار 610 مشترکہ پولنگ اسٹیشنز قائم کیے گئے ہیں۔بلوچستان میں مجموعی طور پر 5 ہزار 28 پولنگ اسٹیشنز قائم کیے گئے ہیں، مردوں کے لیے 1 ہزار 511 پولنگ اسٹیشنز، بلوچستان میں خواتین کے لیے 1 ہزار 317 پولنگ اسٹیشن قائم کیے گئے ہیں، جب کہ مردوں اور خواتین کے لیے پولنگ اسٹیشنز کی تعداد 2 ہزار 200 ہے۔