مریم نواز کے اثاثوں کی تفصیلات سامنے آگئی ،دستاویزات میں اثاثوں کی مالیت 84 کروڑ 25 لاکھ 84 ہزار روپے ظاہر کی

مسلم لیگ ن کی رہنما مریم نواز کی جانب سے جمع کرائے گئے اثاثوں کی تفصیلات سامنے آگئی ہیں۔حلقہ 119 لاہور میں مریم نواز نے دستاویزات میں اثاثوں کی مالیت 84 کروڑ 25 لاکھ 84 ہزار روپے ظاہر کی ہے۔مریم نواز نے لاہور میں 1500 کنال سے زائد اراضی ظاہر کی، ان کے اثاثوں میں ایک سال میں 40 لاکھ روپے سے زائد کا اضافہ ظاہر کیا گیا ہے۔لیگی رہنما کے پاس کوئی گاڑی نہیں، انکشاف ہوا ہے کہ وہ بھائی حسن نواز کے 2 کروڑ 89 لاکھ روپے سے زائد کے مقروض ہیں۔مریم نواز کی تعلیمی قابلیت ایم اے انگلش لٹریچر بتائی جاتی ہے۔انہوں نے 1750 ہزار روپے مالیت کا سونا، مختلف بینک اکاو¿نٹس میں ایک کروڑ روپے سے زائد اور نقدی کا بھی انکشاف کیا ہے جب کہ اثاثوں میں مختلف کمپنیوں میں 122 ملین روپے مالیت کے 1120 ہزار شیئرز کا انکشاف ہوا ہے۔ کیا ہے