ملک میں رواں سال پولیو سے 3 بچے جاں بحق

ملک میں رواں سال پولیو سے 3 بچے جاں بحق ہوئے جن کا تعلق کراچی اور بلوچستان سے ہے۔ایمرجنسی آپریشن سینٹر کے ذرائع کے مطابق جاں بحق ہونے والا بچہ عبداللہ بن قاسم ٹان ضلع ملیر کا رہائشی تھا جب کہ جاں بحق ہونے والے 2 بچوں کا تعلق بلوچستان کے علاقے قلعہ سیف اللہ اور کوئٹہ سے تھا۔ای او سی کا کہنا ہے کہ رواں سال ملک بھر میں پولیو سے متاثرہ بچوں کی تعداد 39 ہوگئی، سندھ میں پولیو سے متاثرہ بچوں کی تعداد 12 ہے۔رواں سال کراچی سے پولیو کے 4 کیسز رپورٹ ہوئے، پولیو کیس ملیر، ضلع شرقی اور کیماڑی سے رپورٹ ہوئے۔بلوچستان میں پولیو سے متاثرہ بچوں کی تعداد 20 ہے جب کہ خیبرپختونخوا میں پولیو سے متاثرہ بچوں کی تعداد 5 ہے۔ایمرجنسی آپریشن سینٹر کا کہنا ہے کہ پنجاب اور اسلام آباد سے ایک ایک بچہ پولیو وائرس سے متاثر ہوا، 28 اکتوبر کو ملک گیر انسداد پولیو مہم شروع کی جائے گی۔